O candidato nacionalista chama a “mudar Celanova para sempre” da man do Bloque despois de tres décadas de caciquismo.

 

Propón “cumprir os soños colectivos” dunha Celanova máis libre e máis consciente de si mesma, respectuosa coas crianzas e cos maiores e que promova a igualdade de oportunidades, a educación para todas e en todas as idades, a cultura propia e a universalidade das nosas tradicións.

Accede ao noso programa de goberno na seguinte ligazón:

https://celanovabaixalimia.bng.gal/media/celanovabaixalimia/files/2023/05/11/PROGRAMA%20ELECTORAL%20BNG%20CELANOVA%20MUNICIPAIS%202023%20(2).pdf

Esta é a lista coa que o BNG de Celanova se presenta ás eleccións locais para elixir a corporación municipal do décimo segundo mandato da democracia.
 

Leopoldo Rodríguez (Fechas, Celanova, 1963), portavoz municipal do BNG e candidato á Alcaldía nas eleccións do próximo 28 de maio, fai balance da política local durante o mandato, e avanza as líñas do programa do Bloque Nacionalista Galego.

"É unha loita pola supervivencia. É unha batalla polo territorio"

Charla informativa 10 de xullo de 2021. Intervención de Leopoldo Rodríguez, portavoz do BNG en Celanova.

O BNG vota en contra dos orzamentos da entidade supramunicipal por "opacos" e denuncia "o abuso dos cartos públicos que fai o clan Cortés co beneplácito do padriño Baltar".

As nacionalistas volverán convidar aos grupos, como xa o fixeron en novembro, a avanzar na concesión da subvención que demanda o Padroado da San Carlos.

Tamén insistirán en que se designe canto antes a nova representación da corporación no órgano reitor e que o alcalde asuma a súa responsabilidade.

O BNG levou adiante as negociacións co Padroado durante o verán e convenceu aos grupos para reclamar, ademais da presenza de familiares e traballadoras, a doutro represente da corporación no órgano de dirección.

O pleno comprometeu en setembro unha subvención para o centro de maiores e a dirección da residencia solicita 72.000 € para compensar o efecto da pandemia sobre as súas contas.

Seis meses despois, tras unhas semanas de intenso traballo político do BNG de Celanova para informar ás familias, ás traballadoras e á dirección do centro dunha iniciativa para que o Concello botase man da residencia, no pleno de onte corroborouse o acordo unánime dos grupos impulsado polas nacionalistas. “Diante do medo e da incerteza que poden sufrir os anciáns, as familias, as traballadoras e os directivos, unidade e compromiso político, como resposta a un amplo respaldo social”, dixo Leopoldo Rodríguez. A moción achega dous compromisos por parte da corporación municipal: unha axuda económica para que a Residencia San Carlos poida superar o impacto nas súas contas da crise da covid e empezar a adaptarse á nova normalidade, e a incorporación dos grupos políticos, das familias e das propias traballadoras ao Padroado que dirixe a residencia a través dunha fórmula que haberá de concretarse en canto os patróns accedan á modificación dos estatutos.