BNG da comarca Terra de Celanova e Baixa Limia :: Últimos vídeos

A Mancomunidade dos caladiños (pleno de agosto de 2022)

Sun, 14 Aug 2022 12:23:05 +0200

No pleno da Mancomunidade Terras de Celanova celebrado esta semana, o BNG fixo unha petición á nova presidencia (Jaime Sousa -PP- substitúe desde xaneiro a Pérez Cortés -PP-): "Está na súa man abrir unha nova etapa á fronte desta Mancomunidade e sentar as bases para unha XESTIÓN TRANSPARENTE e EFICIENTE despois de lustros de ESCURANTISMO e NEPOTISMO durante os mandatos de Pérez-Cortés. A Mancomunidade pode ser no futuro unha FERRAMENTA DE COHESIÓN TERRITORIAL E SOCIAL AO SERVIZO DAS VECIÑAS E VECIÑOS, ou continuar sendo o que foi no pasado, un CHIRINGUITO PARA SERVIZO DO CLAN CORTÉS e do PARTIDO POPULAR", dixo o representante nacionalista, Leopoldo Rodríguez, portavoz do BNG en Celanova. "É a súa obriga. Esta institución operou sempre en base aos caprichos caciquís e nepotistas do Clan Cortés. Esta institución funciona MAL, é INEFICAZ, DILAPIDA RECURSOS e incentiva o CLIENTELISMO. Esta institución necesita pasar polo Taller, o Taller democrático, un reseteo democrático. Empece por facer unha AUDITORÍA, unha AUDITORÍA que sinale os defectos, as malas prácticas, que explique onde e por que falla", rematou o BNG. Jaime Sousa non soubo que dicir e non dixo nada. O alcalde de Cartelle ten ese hábito: o silencio. El só ten présa por votar. Semella que ese será o novo método nos plenos: todos caladiños, incluíndo a presunta oposición, que sistematicamente se abstén e non di ni mu. Celanova Decide nunca tivo nada que dicir, e a alcaldesa de Ramirás (PSOE) chega tarde e fai gala da súa mala educación interrompendo o discurso do voceiro nacionalista (como se aprecia no vídeo). Ese é o escenario. E o único que falou, sen saber moi ben que dicir, foi o ex presidente Pérez Cortés, patriarca do Clan Cortés, orfo da habitual defensa do seu fillo, quen agora ten que estar CALADIÑO tamén porque aspira ao trampolín da Alcaldía de Celanova. Así que o patriarca do Cortés simplemente balbuciu un "grazas" diante de quen lembrou a súa longa etapa como CACIQUE NEPOTISTA no goberno da Mancomunidade. Grazas. E calou.

Leopoldo Rodríguez avanza accións do BNG contra o proxecto eólico na Casa da Neve

Sun, 18 Jul 2021 09:12:02 +0200

Charla informativa do BNG sobre o proxecto eólico en Celanova. Intervención de Iago Tabarés.

Sun, 18 Jul 2021 07:21:18 +0200

O BNG levará ao Parlamento a protección do patrimonio arqueolóxico da Casa da Neve. Iago Tabarés, deputado nacionalista por Ourense, explicou a postura do BNG nunha charla informativa o sábado 10 de xullo en Celanova.

Esta foi a súa intervención completa (vídeo de 21 minutos).

✔️ "No caso de Celanova hai patrimonio arqueolóxico que fala da historia de Celanova e que hai que intentar protexelo para evitar que quede estragado definitivamente e poder transmitilo a futuras xeracións"

✔️ "A instalación de aeroxeneradores provoca danos á calidade de vida das persoas, como ruidos; á paisaxe, ao medioambiente (acuíferos, por exemplo), ao patrimonio e á economía do territorio".

✔️"Enerxía eólica, si; pero non en calquera sitio, non de xeito indiscriminado, non onde as empresas multinacionais ou a Xunta que senta ex concelleiras en consello de administración destas empresas queiran".

Debate sobre a axuda á Residencia no pleno de xaneiro 2021

Tue, 2 Feb 2021 20:32:14 +0100

Pleno Celanova xaneiro 2021. Debate Orzamentos

Tue, 2 Feb 2021 20:29:27 +0100

Leopoldo Rodriguez defende moción auxilio á Residencia.

Thu, 24 Sep 2020 15:56:16 +0200

Seis meses despois, tras unhas semanas de intenso traballo político do BNG de Celanova para informar ás familias, ás traballadoras e á dirección do centro dunha iniciativa para que o Concello botase man da residencia, no pleno de onte corroborouse o acordo unánime dos grupos impulsado polas nacionalistas. “Diante do medo e da incerteza que poden sufrir os anciáns, as familias, as traballadoras e os directivos, unidade e compromiso político, como resposta a un amplo respaldo social”, dixo Leopoldo Rodríguez. A moción achega dous compromisos por parte da corporación municipal: unha axuda económica para que a Residencia San Carlos poida superar o impacto nas súas contas da crise da covid e empezar a adaptarse á nova normalidade, e a incorporación dos grupos políticos, das familias e das propias traballadoras ao Padroado que dirixe a residencia a través dunha fórmula que haberá de concretarse en canto os patróns accedan á modificación dos estatutos.

Noa Presas sobre a residencia de Celanova. Debate de candidatas por Ourense. Galegas 2020.

Sun, 5 Jul 2020 12:10:14 +0200