10-N

O Bloque Nacionalista Galego (BNG) sumou 634 votos (resultados provisionais que non inclúen o voto exterior) nas comarcas da Baixa Limia e Terra de Celanova nas votacións para as eleccións estatais do pasado domingo, 10 de novembro. O nacionalismo confirmou a súa recuperación de apoios electorais en eleccións a Cortes iniciada nos comicios do pasado mes de abril.

No mitin de Ourense, este domingo, Francisco García pediu “transformar o cabreo coas forzas estatais nun voto para defender Ourense no Congreso collendo a papeleta do BNG este 10-N”. A portavoz nacional, Ana Pontón, fixo un chamamento á mobilización e a concentrar no BNG o voto de país, das persoas que queren “que Ourense exista” no Estado e das que tamén queren unha axenda social.