O BNG levará ao Parlamento a protección do patrimonio arqueolóxico da Casa da Neve. Iago Tabarés, deputado nacionalista por Ourense, explicou a postura do BNG nunha charla informativa o sábado 10 de xullo en Celanova.
Esta foi a súa intervención completa (vídeo de 21 minutos).
✔️ "No caso de Celanova hai patrimonio arqueolóxico que fala da historia de Celanova e que hai que intentar protexelo para evitar que quede estragado definitivamente e poder transmitilo a futuras xeracións"
✔️ "A instalación de aeroxeneradores provoca danos á calidade de vida das persoas, como ruidos; á paisaxe, ao medioambiente (acuíferos, por exemplo), ao patrimonio e á economía do territorio".
✔️"Enerxía eólica, si; pero non en calquera sitio, non de xeito indiscriminado, non onde as empresas multinacionais ou a Xunta que senta ex concelleiras en consello de administración destas empresas queiran".
As nacionalistas denuncian que, malia o acordo plenario alcanzado por unanimidade en abril para que o Concello ofrecese información á veciñanza, o alcalde aínda non deu a coñecer sequera as súas propias alegacións contra o proxecto.
“A cidadanía é consciente de que Galiza non pode ser simplemente un lugar onde se espolien recursos para engordar a conta de resultados das grandes compañías eléctricas”, resumiu o deputado Iago Tabarés.
As nacionalistas continuarán nas próximas semanas a campaña informativa iniciada hoxe por outras localidades da comarca.
“A rendibilidade económica do proxecto non é parella co risco que implica para o medio ambiente e para a saúde das persoas”, advirte o deputado Iago Tabarés.
O BNG reclama que as contas para o 2021 inclúan xa un plan de usos do Parque do Xurés
As nacionalistas insisten na mellora da AG-31 desde Celanova até a fronteira con Portugal e propoñen un polígono empresarial entre Bande e Lobeira.
Iago Tabarés, deputado do BNG por Ourense, estima que a cuantificación do investimento demandado polos nacionalistas para as comarcas da Baixa Limia e Celanova alcanza os 6,5 millóns de euros sobre a previsión do goberno galego.
