Custo anual do goberno municipal de Cartelle
Para o Concelleiro do BNG, Manuel Ferro, resulta incongruente que sexan os recen nomeados tenentes alcaldes os que formen parte da Xunta de Goberno Local e non os dous Concelleiros do PP con dedicacións exclusiva e parcial porque isto aforraríalle ao Concello uns 6.000 € anuais.
Na opinión do Concelleiro do BNG as cantidades asignadas a cada grupo político para o seu funcionamento deben ser revisadas, sobre todo nos importes por Concelleiro electo. Que o partido popular reciba unha subvención anual de 4.000 euros para o seu funcionamento parécenos un disparate en comparación co que reciben outros colectivos deste Concello.
Nos Boletíns Oficiais da Provincia (BOP) do 11 de xullo, 5 de agosto, 8 de agosto e 19 de agosto dáse publicidade aos asuntos tratados no pleno de organización:
1. Nomeamentos dos e das tenentes alcaldes.
2. Acordos do pleno sobre a periodicidades das sesións plenarias
3. Creación e Composición da Xunta de Goberno Local e Delegación de competencias do pleno nesta.
4. Indemnización aos membros da corporación así como aos Concelleiros con dedicación exclusiva e parcial.
5. Adscrición dos Concelleiros/as ás comisións informativas.
Os Concelleiros con dedicación exclusiva ou parcial ao ter soldo non cobran por asistencia nin a plenos nin a comisións nin a xuntas de Goberno.
O Alcalde tería unha remuneración de 150 € por asistencia a plenos, comisións ou xuntas de goberno e o resto dos Concelleiros (8) sen dedicación, de 125 € por asistencia a plenos, comisión ou xunta de Goberno.
Quedan fora deste cálculo as comisións porque estás non teñen unha periodicidade e tamén quedan fora as dietas por desprazamento e manutención dado que estas so se producen de forma ocasional.
1. CONCELLEIROS CON DEDICACIÓN:
Concelleiro Area Medio Ambiente (dedicación exclusiva), 25.073,16 € brutos Anuais
Concelleiro de Cultura e Deportes (dedicación parcial), 12.836, 88 € brutos Anuais
2. XUNTA DE GOBERNO: (Formado polo Alcalde + 3 Tenentes Alcaldes)
Alcalde_ 24 Xuntas (2 xuntas ao mes) x 150 3.600 € Anuais
3 Tenentes Alcaldes 24 xuntas (2 xuntas ao mes) x 125 9.000 € anuais
3. PLENO: (Formado polo Alcalde + 8 Concelleiros sen dedicación + 2
Concelleiros que non cobran indemnización por ter dedicación)
Alcalde_ 6 Plenos x 150 900 Anuais
8 Concelleiros x 6 Plenos x 125 6.000 Anuais
4. ASIGNACIÓN ANUAL AOS GRUPOS POLÍTICOS PARA O SEU FUNCIONAMENTO: 400 + 400 por Concelleiro:
PP 400 + 400x9 concelleiros 4.000 € Anuais
BNG 400 + 400x1 concelleiro 800 € Anuais
PSOE 400 + 400x1 concelleiro 800 € Anuais
Custo TOTAL 63.010,04 Anuais
