O pleno de Ramirás insta á Alcaldía a informar sobre o incumprimento da normativa nas probas de selección do obradoiro Río Arnoia, que organiza o concello xunto aos de Cartelle e A Merca.

Tamén pide á Alcaldía que esixa a convocatoria dun pleno extraordinario na Mancomunidade para tratar o incumprimento da mesma normativa no proceso de selección do obradoiro Ecoterras, que organiza o ente mancomunado.

As nacionalistas advirten que non se realizou entrevista ningunha ás aspirantes a alumnas, mais a nota dese exercicio foi decisiva para adxudicar varias prazas nos tres concellos.

Levarán mocións aos distintos plenos municipais e reclamarán unha revisión do proceso así como unha eventual anulación se se confirman as irregularidades.

Tamén protestan porque as aspirantes non recibiron rexistro da documentación que presentaron e porque o prazo para as reclamacións incluíu un sábado e un domingo.

O BNG pregunta no pleno polo proxecto publicitado hai 9 meses na prensa por Isabel Gil (PSOE) e Jaime Sousa aclara que apenas foi un contacto verbal “á saída dunha reunión da Mancomunidade”.

A corporación de Cartelle aproba a proposta nacionalista para potenciar a feira e procurar unha coordinación comarcal deste tipo de eventos, como xa se acordou na Merca e en Celanova, tamén por iniciativa do BNG.