eólicos

O BNG da comarca Terra de Celanova-Baixa Limia e o BNG de Celanova critican que a empresa alemá leve dous anos modificando unha e outra vez un proxecto que non ten cabida nunha área de enorme riqueza patrimonial e hidrográfica, con poboacións asentadas e monte en produción.

As nacionalistas apostan por non construír o polígono, e advirten que volverán reclamar nas institucións unha moratoria eólica tal e como vén de recomendar o Consello da Cultura Galega.

O grupo do alcalde e os populares néganse a debater unha declaración institucional para paralizar calquera proxecto eólico no municipio e asumen que “a Xunta xa fai todo o traballo de control” mentres o Plan Eólico, obsoleto, deixou hai tempo de protexer a saúde das persoas, o medio e o patrimonio contra este tipo de instalación.

O BNG deixa constancia da súa protesta contra o uso político do Premio Celanova, concedido polo alcalde e membros do PP, para tratar de tapar a nefasta xestión da Xunta e da propia Alcaldía na crise da covid na Residencia San Carlos, hoxe en mans dun conglomerado privado.

As nacionalistas preguntan o Alcalde onde está o estudo de turismo que acompaña o informe coñecido como “Proyecto de Humanización del Casco Histórico de Celanova para fomento del turismo", e o Alcalde responde que non sabe nada, que el non fai os informes, que lle pregunten o técnico.

Charla informativa 10 de xullo de 2021. Intervención de Leopoldo Rodríguez, portavoz do BNG en Celanova.

O BNG levará ao Parlamento a protección do patrimonio arqueolóxico da Casa da Neve. Iago Tabarés, deputado nacionalista por Ourense, explicou a postura do BNG nunha charla informativa o sábado 10 de xullo en Celanova.

Esta foi a súa intervención completa (vídeo de 21 minutos).

✔️ "No caso de Celanova hai patrimonio arqueolóxico que fala da historia de Celanova e que hai que intentar protexelo para evitar que quede estragado definitivamente e poder transmitilo a futuras xeracións"

✔️ "A instalación de aeroxeneradores provoca danos á calidade de vida das persoas, como ruidos; á paisaxe, ao medioambiente (acuíferos, por exemplo), ao patrimonio e á economía do territorio".

✔️"Enerxía eólica, si; pero non en calquera sitio, non de xeito indiscriminado, non onde as empresas multinacionais ou a Xunta que senta ex concelleiras en consello de administración destas empresas queiran".

O estudo municipal advirte da presenza na contorna da Casa da Neve de vestixios arqueolóxicos cuxa explotación como recurso cultural se vería afectada "coa extrema proximidade dos aeroxeneradores propostos".

As nacionalistas, que en abril presentaron unha moción solicitando unha cata arqueolóxica por parte da Xunta rexeitada polo goberno local e o PP, elevarán agora a proposta ao Parlamento ante as novas evidencias científicas de restos de valor patrimonial.

As nacionalistas denuncian que, malia o acordo plenario alcanzado por unanimidade en abril para que o Concello ofrecese información á veciñanza, o alcalde aínda non deu a coñecer sequera as súas propias alegacións contra o proxecto.

“A cidadanía é consciente de que Galiza non pode ser simplemente un lugar onde se espolien recursos para engordar a conta de resultados das grandes compañías eléctricas”, resumiu o deputado Iago Tabarés.

As nacionalistas continuarán nas próximas semanas a campaña informativa iniciada hoxe por outras localidades da comarca.

Acordo sobre a iniciativa do BNG informar ás veciñas sobre o proxecto de polígono eólico.

O BNG consegue ademais sacar adiante propostas para o coidado do río Arnoia, a retirada de paneis de obras.

O goberno municipal presenta, trece meses despois de comezada a crise, a primeira liña de axudas na que inviste menos dun terzo do remanente e incorre en gasto superfluo en novas máquinas de limpeza.

As nacionalistas, nun escrito rexistrado onte, advirten que o proxecto presentouse fragmentado “para eludir o control público” e sinalan que de se concretar sería un obstáculo para desenvolvementos socio-económicos alternativos das vindeiras xeracións.

Alertan da debilidade das institucións locais para defender á veciñanza e piden que as autoridades galegas determinen e protexan “as aspiracións das poboacións no que atinxe ás características paisaxísticas da súa contorna” tal e como recomendan os convenios internacionais.  

Denuncian unha práctica colonial que considera Celanova como un espazo de extracción “xa deteriorado” polo efecto da mesma explotación (parque do Vieiro) “no que os habitantes son escasos e, polo tanto, prescindíbeis como suxeitos de dereitos; dereito á paisaxe, por exemplo”.

As nacionalistas, nun escrito rexistrado onte, advirten que o proxecto presentouse fragmentado “para eludir o control público” e sinalan que de se concretar sería un obstáculo para desenvolvementos socio-económicos alternativos das vindeiras xeracións.

Alertan da debilidade das institucións locais para defender á veciñanza e piden que as autoridades galegas determinen e protexan “as aspiracións das poboacións no que atinxe ás características paisaxísticas da súa contorna” tal e como recomendan os convenios internacionais.  

Denuncian unha práctica colonial que considera Celanova como un espazo de extracción “xa deteriorado” polo efecto da mesma explotación (parque do Vieiro) “no que os habitantes son escasos e, polo tanto, prescindíbeis como suxeitos de dereitos; dereito á paisaxe, por exemplo”.

O BNG de Celanova presenta un modelo resumido de alegacións ao proxecto para instalar 7 aeroxeneradores de máis de 100 metros de altura na área do Monte da Neve, con afeccións a valores ambientais, patrimoniais e paisaxísticos.

As nacionalistas presentarán alegacións o documento inicial diante dos posíbeis impactos na paisaxe e no patrimonio.

Consideran que poden buscarse desenvolvementos alternativos que non supoñan unha hipoteca para a seguinte xeración e lembran que o BNG reclama en Europa unha moratoria para Galiza fronte a avalancha de proxectos.